Psalms 138
ElikaDavida.
1Ngizakudumisa, Jehova, ngenhliziyo yami yonke; phambi kwabo“nkulunkulu” ngizahlabelela udumo lwakho. 2Ngizakhothama ngikhangele ethempelini lakho elingcwele ngidumise igama lakho, ngenxa yothando lwakho lokuthembeka kwakho, ngokuba uphakamise ngaphezu kwezinto zonke ibizo lakho lelizwi lakho. 3Ngabiza wena wangiphendula; wangenza ngaba lesibindi lenhliziyo eqinileyo. 4Sengathi wonke amakhosi omhlaba angakudumisa, O Jehova, lapho esizwa amazwi omlomo wakho. 5Sengathi bangahlabela ngezindlela zikaJehova ngokuba inkazimulo kaJehova inkulu. 6Lokuba uJehova uphakeme, uyabananza abathobekileyo, kodwa abazigqajayo ubazi ekhatshana labo. 7Lokuba ngihamba phakathi kohlupho uyayilondoloza impilo yami; uyaselula isandla sakho ukungivikela olakeni lwezitha zami, ngesandla sakho sokunene uyangisindisa. 8UJehova uzagcwalisa icebo lakhe ngami; uthando lwakho, O Jehova, lumi laphakade – ungawutshiyi umsebenzi wezandla zakho.
Copyright information for
NdeIBE